奇幻逆緣威末酒(Vermouth) 🍷 (by Ricky 15-06-18)

 

早兩星期,香港舉辦了每兩年一度的Vinexpo,呢個被喻為香港葡萄酒界最大型嘅展覽,雲集了來自世界各地的進口商、經銷商、侍酒師和酒商等共有超過1200個單位。觸目程度絕對可同意大利的Vinitaly及德國的Prowein相比。咁大型嘅活動我地Wine Couple當然唔會錯過,去試酒、搵酒、試酒、搵酒之餘當然要體驗下新嘢🆕。

 

不得不提當日我小編Ricky參加左一個Top Italian Spirits Masterclass (每次Vinexpo都會舉辦唔同Topic的Masterclass俾大家學嘢📚),而當中酒商代表介紹左一種加強型葡萄酒 – Vermouth (威末酒)。

 

帶給我全新感覺的威末酒

 

威末酒大家認識最多應該係Corktail中的Martini🍸及Manhattan🥃,因為呢兩種雞尾酒都會加若干威末酒去配調。威末酒是一種使用各種乾料作調製的加強葡萄酒。威末酒以葡萄酒為基酒,然後再在基酒中添加額外的酒精和其他乾料混合物,包括香草🌱、植物根莖、樹皮、各中草藥🍃和香料等。威末酒有兩個主要品種,源自🇮🇹意大利的紅(甜)威末酒和最早出現在🇫🇷法國的白(Dry)威末酒。

 

當日主要試了由意大利酒商COCCHI所帶來的威末酒🍷,包括COCCHI AMERICANO,COCCHI ROSA以及BAROLO CHINATO等。試飲COCCHI AMERICANO 其實都幾有驚喜😱 (先驚後喜),COCCHI AMERICANO本身係Moscato白葡萄酒🍇,再加入草藥🍃及香料如金雞納樹(Cinchona)、 青蒿(Artemisia)、橙皮(bitter orange peel) 🍊、接骨木花 (Elderflower)及其他配方調製,小編都係第一次試呢類酒,可能被他的Moscato字眼呃到,第一啖入口感覺其實係充滿苦味🤢的高酒精(16.5%)甜酒,唔太想飲第二啖🤮。及後酒商話其實只要加入冰及梳打水,再加入橙皮(或檸檬皮),成件事會煥然一新🆙。酒商更即場提供梳打水及橙皮俾我地試試…..加左之後除左可以緩和苦澀味,整杯威末酒即時變得清新許多,變得易入口之餘👅,仲帶點點回甘味,感覺就像奇幻逆緣🎞️咁,杯酒後生左,變得啱番大眾口味。呢種混調法,可以簡單到係屋企都可以自製到🤲,作為餐前開胃酒的確一流。👍

 

用同樣手法去試COCCHI ROSA及BAROLO CHINATO等,同樣可以演化成第二個層次↗️,冇諗到威末酒可以變得咁平易近人,亦都對意大利的加強型葡萄酒類加深左認識,大開眼界。🤗📖

 

唔知如果Wine Couple賣呢啲加強型葡萄酒,各酒友點睇呢? 👀

15-06-18