By Ricky 22-10-2018

 

前兩星期我跟技安去左日本東京幕張第2回”日本の食品”輸出EXPO去發掘下啲日本清酒，當中試左唔同款的日本清酒、果酒、以及日本唔同食材，等禾小編Ricky帶大家遊歷一下。😉

 

食品輸出展的第一日，喺酒店食左個冇乜特別的早餐後 (團餐咁feel) 😕就同世界各地的買家一同搭大會安排好的Shuttle Bus去會場🚌。比較特別係落車時大家要排好隊列隊進場，當中有好多媒體都影住我地浩浩蕩蕩咁入場📸📸。入到幕張展覽會範圍，大家也先企定定睇個官方剪踩儀式✂。儀式過後，便進入會場，去同預先約好的商家作逐一見面。我小編Ricky第一日差唔多要見8間公司，而技安也要見5間，有啲分開見，有啲一齊見。我地搵清酒的策略係:

 

▶盡可能搵一啲香港未曾引入的清酒返黎，所以我地target都係一啲比較小型啲酒商;
▶一啲label靚 (例如日文漢字有meaning的或特別的，又或者label夠Artistics的);
▶或者係一啲有”受賞” (得獎) 酒款

 

但經過第一日的努力後，發現並不是如想像中咁理想🤦🏻‍♂️，因為一黎很多見面的酒商已經喺香港有一些Partner或Wholesales公司做緊，甚至有些酒商自己喺香港有埋Office🏢，對住呢啲酒商真係只可以得個”傾”字，傾計個傾🗣🗣。有幸都會見到一啲細酒商未曾引入香港，但試完啲酒款又可能未必太啱心水，所以大部份都係要先拎資料返酒店及香港再慢慢細閱📄。由於第一日太密集行程，會場其他booths都冇乜點留意。

 

第一晚大會搞左個VIP Party (只有我Ricky出席)比大家各買手及參展商可以一邊食住嘢一邊做個交流🍝🍻，氣氛係唔錯的，同枱更同左來自鳥取縣的合作社作交流。

 

 

第二日我地反而放輕啲週圍參觀下，除左繼續見唔同酒商及試清酒外🍶，同場也試下日本不同的食材🍙🍘🌰睇下會唔會有機會引入香港。印象最深有一個booth係開放啲日本水果俾大家任食，甚麼日本蘋果🍎、香印青提、紅提、巨峰🍇、梨🍐、青肉紅肉蜜瓜🍈、日本柿、應有盡有。當中我地都有試埋日本其他食材，如綠茶🍵、焙茶、芝士🧀、大量nuts佐酒小食等。會場其實唔算太大，技安提議中間偷啲時間到隔離超大間的幕張Aeon睇睇人地酒區。呢間Aeon真係大，大到佔地係一整條街🏪，就係個賣酒區都大個我樓下間阿信屋。當中有部自助試飲機更加係焦點💥，用我有限度嘅日文🈁同店員🧑🏻溝通先知要買儲值卡💳先可以操控部機，當中實況可睇番技安之前所出的Post。

 

總結，今次參觀日本展覽會搵酒之旅雖然未見成功，但也豐富左我地對清酒的概念及知識🆙，我地當然唔會放棄，會繼續探索唔同門路去入啲好酒，大家請繼續多多支持留意我地。😉💪🏻💪🏻

 

#坐國泰去日本真係爽
#可以睇到復仇者聯盟3侏羅紀世界及大娛樂家
#但要坐成個鐘車到品川駅就有啲辛苦
#日頭搵酒夜晚食好西練跑
#如果可以留多幾日喺日本就更好
#黎緊Wineanddine再搏殺過

 

22-10-2018