繼早前去完廣島體驗之後，轉眼就要轉戰另一個場地，去到日本東京幕張參與第3屆日本食品輸出展 (3rd Japan Food Export)。

在參與展會前，大會安排在我地入住東京迪士尼園區的Sheraton Grande Tokyo Bay Hotel，其實安排都算唔錯，話晒都出名酒店，話晒在迪士尼園區內，話晒仲有安排接駁車到會場，但如果要夜晚活動時，其實都比較難去東京市中心 (由迪士尼園區到新宿起碼要40分鐘)，所以只可以話”只限園區活動”，幸好舞濱站附近有個大型商場，叫做一應俱全。

 

 

27/11/2019 (三)

展會第一日食過靚靚自助早餐之後，便搭大會Shuttle出發到會場。今年天公不造美，所以20分鐘車程落車會急急腳入展會。整個展會其實同舊年差唔多，大約有超過200個商戶參展。在香港時已經預約了好幾間酒造公司見面。

 

ITAKURA SHUZOU CO., LTD.

這幾款”天穩”清酒，質素相當不俗，用了好幾款釀清酒出色的米，如”五百萬石”、”雄町”，而且用了”生酛”的造法，特別芳香濃郁。

 

KANKYO-SHUZO CO., LTD.

呢間酒標漂亮，但清酒的質素就較為普通。

 

Lunch時間，大會今次安排了日本三大牛丼專門店之一 – 松屋，相信去開日本玩的酒友應該都唔會陌生，仲要同出面價錢一樣，真良心。

 

 

週圍行逛期間見到有款叫NEKO Sake幾特別，100%北海道手工釀造、用大雪山的水、無添加、入口好fresh清香，需不似Sake辛辣口感層次豐富，但感覺是很易入口很清新而且女仕導向，希望有機會引入香港。

 

 

主理人Kei San不但止人靚，很Nice，而且英文了得，詳細解介紹了這酒款。

 

 

OKADAYAHONTEN CO., LTD.

另一間來自島根縣的酒造，質素也不錯，但相比起會較prefer第一間，其實島根縣是在日本中國地方，是好山好水之地，所釀出來的清酒有一定水準。

 

O’Will Corp.

用上古米釀造的米酒及果味米酒，包裝獨特，果味米酒味道其實可以，有桃味、士多啤梨味等，但古米相信香港唔係人人接受到。

 

 

SHOWA SHOJI CO., LTD.

呢間公司其實有多款Sake，最好飲最靚的是以日本戰國武將做樽身，而且有獨立包裝盒的武士清酒，好想引入。

 

 

同場當然仲有其他精彩Sakes及不同攤位，去相睇睇。

今日行完一圈，見識不少。

 

28/11/2019 (四)

今日繼續搵酒，由於今日沒有約了特定酒造，隨性的在展場任試其他booth Sake及一些燒酎。

 

這款藏心的確是很不錯。

 

這些Crossover版清酒，用了日式和紙包裝，很特別。

而這些燒酎也很討好。

 

總結:

兩日的展會活動，應該試了上百款清酒，當中有些質素不錯，而且香港未見，希望有機會引進到香港比各大酒友品嚐。也希望我小編Ricky下年也可以繼續去日本幫大家搵清酒。

 

最後送上今次小編搵酒記Video:

 

 

當然都唔好忘記我地Wine Couple依家現有的清酒款:

https://www.winecouple.hk/categories/%E4%BE%86%E8%87%AA%E6%97%A5%E6%9C%AC%E7%9A%84%E5%84%AA%E8%B3%AA%E6%B8%85%E9%85%92