酒小妹EVA成酒魔😈之路#6
「葡萄酒餐飲法則: 紅酒配紅肉,白酒配白肉?」

飲酒的你無論入門級👨🎓定係師傅級👨🍳都一定聽過 「紅酒配紅肉,白酒配白肉」呢個葡萄酒配餐準則。但點解飲紅酒一定要配紅肉而飲白酒就一定要配白肉?? 點解點解究竟有冇人話我知點解?? 🤪🤪

其實……又真係有得解既😌

 

解說一 🍷 : 之所以選用紅酒配紅肉係因為紅葡萄酒中單寧含量較高。單寧會俾人一種較乾澀既口感。葡萄酒中既單寧物質會「吸引」食物中既蛋白質。好似當你食緊一塊牛排🥩既時候,再飲一口單寧含量較高既紅葡萄酒🍷時,單寧會變得更加柔順,咁係因為蛋白質減輕咗單寧帶嚟既乾澀感覺。另外,紅肉中既鹹味亦可以起到軟化單寧既作用。

(紅肉 – 指烹飪前呈現岀紅色既肉,具體嚟講豬肉🐷、牛肉🐮、羊肉🐐、鹿肉🦌、兔肉🐰等所有哺乳動物都係紅肉。而紅肉中含有較高飽和脂肪。)

 

解說二 🥂 : 白葡萄酒更適合同魚肉雞肉搭配。係因為白葡萄酒酸度較高,酸度高既食物同油膩的食物搭配時,口感非常好,可以達到清理口腔👅既效果。

而且之所以唔用紅葡萄酒搭配白肉係因為白肉 (好似魚 / 鮮味較重,如果同紅葡萄酒搭配,只會凸顯紅葡萄酒中既單寧,令到葡萄酒飲落更加苦澀🤦

(白肉 – 可以包括鳥類(雞🐔、鴨🦆、鵝、火雞等)、魚🐟、爬行動物、兩棲動物、甲殼類動物(蝦🦐🦀等) 或雙殼類動物(蠔、花甲)等。)

 

但其實凡事都有例外 😏 葡萄酒與食物既搭配係需要綜合各種考慮要素,唔單單係關乎於葡萄酒既單寧同酸度,仲關乎葡萄酒既甜度、苦味、酒體、風味濃郁程度等等等等。所以以上都只係基本法則比大家參考參考世事無絕對只要你識得配對你先係真高手 🤤👏👏👏👏