*售完* F027 - Chateau Rol Valentin 2010 情人堡

Chateau Rol Valentin 的確係一款好酒! 每次在The Grand Cercle des Vins de Bordeaux 試酒會，無論佢匿埋係一眾Grand Crus Classes 裡頭，甚至對手係Classes B，以佢咁出色既酒無論係邊，都好似黑夜裡既瑩火蟲一樣咁鮮明出眾，其實原因好簡單，因為佢比一眾對手更適合早飲，這裡解釋一下每年試酒會左右岸同場比試，一般都係試新年份，右岸每每會比左岸有更好的發揮，就係因為右岸適合早飲，而當你搵支新鮮出爐硬磞磞的Lynch Bage去試，抱著好高的期望，一般都會失望而回，老老實實，技安真係好佩服那些酒評家，能預先將新酒打分並預估未成熟酒既潛力，只可以講佢地係同一款酒不同年份試過了N次，憑經驗話佢知這些童星將來會成為天王巨星一樣。而Chateau Rol Valentin 確實有早飲的優勢，所以並不是說他在何時何地都能擊敗一眾強勁對手，所以酒界裡頭經常出現一幕幕以小勝大的赤壁場面，原因不外乎鄭中基跟我地唱過的歌 <時間、人物和地點>，時間-那瓶酒在此時此刻的狀態，人物-背後釀酒師和顧問團隊，地點-Terroir，當然還要望（天）打掛~

每次提到波爾多酒莊，都似叫碟例菜牌咁講出酒莊有幾百歷史，但Chateau Rol Valentin正好相反，屬於較短歷史的酒莊，第一個年份出酒係1994年，由一位歐州足球球星 Eric Prissette買下經營（要請教一下球壇老前輩呢位球員資料先得），酒莊約有7.3公頃，在09年轉手到Nicolas Robin手上，佢係右岸名星級酒莊Robin姊妹（Chateauc Lafleur 同Chateau Le Gay ) 個侄😂，真係要有咩親戚都要搬晒出黎！釀酒顧問Stephane Derenoncourt唔駛多提，跟開小編文章都知呢個名係品質既保証，樹齡有40年以上，18個月新橡木桶陳熟，由於此酒散發濃郁果香甜美、細膩柔滑，仿似熱戀的情侶😂，所以又叫情人堡💏