你揀啱酒杯嗎? (By Eva酒小妹)

你一直用緊咩酒杯飲葡萄酒?
塑料杯? 紙杯? 係定玻璃杯？或者有D人認為用咩杯都唔重要，因為最後消化完都只係會送去大海。但係，如果你真係對葡萄酒有所追求，咁樣飲酒時揀返隻啱既酒杯就一定唔會失禮街坊

葡萄酒杯既形狀、尺寸同大小都各有講究，合適既葡萄酒杯可以提升品酒體驗。圖中既3款酒杯就係根據紅葡萄酒、白葡萄酒、汽泡酒三大葡萄酒種類嚟粗分既葡萄酒杯。

 

紅葡萄酒杯 : 杯肚圓潤，杯口收緊，杯腿較長
– 品質好既葡萄酒一般香味比較複雜，酒倒入杯後，需要同氧氣接觸才可以充分展現其特性。圓潤的杯肚有利於輕晃酒杯而不至灑出酒液
– 收斂既杯口對香味起到聚集作用，香味散發之後不至於快速散開，咁你就可以聞到更濃郁既酒香

– 紅葡萄酒適飲溫度為15℃至18℃，正常情況下，手掌的溫度約為33℃，所以長長既杯腿可以避免手掌溫度的影響

 

白葡萄酒杯 : 杯身比紅葡萄酒杯窄, 整體尺寸中等
– 白葡萄酒一般酒體更輕、味道更清新、口感更爽脆，大多都唔需要係杯中接觸太多氧氣嚟幫助其香味散發。

 

香檳笛型酒杯 (汽泡酒杯) : 杯身細長，杯口很小
– 細長既杯身同小巧既杯口可以將酒液同空氣接觸量降低到最低，咁樣氣泡需經過更長既時間穿過杯體，到達頂部，最終在杯子頂部爆破。睇住杯底細膩既氣泡穿過長長既杯身，賞心悅目也。

 

當然，以上都只係精略既區分，如果講研起上嚟就係唔同葡萄品種所用的酒杯都可以有唔同，下次有機會再同大家研究研究

(圖片來源 : BIZARROCOMICS.COM)