冰酒究竟是什麼東東？(By Eva酒小妹)

 

 

近排連續有幾個客人問我咩係冰～酒～ ❄❄

冰酒係咪即係要加冰飲既酒? 咁係咪要雪到凍冰冰先好飲所以叫冰酒?

係呢度等我一次過解答大家既問題啦

 

一般既葡萄大約都係每年8-9月採收，但冰酒既葡萄就會係樹上面掛多3-4個月，直到氣温極低，葡萄凍到結冰時先去採收，所以就簡而名之，就叫做冰酒。

 

係呢個時候，葡萄中既水份結咗冰❄，但糖份同其他溶係水既固體並無凝結，令到冰凍葡萄擠出嚟既葡萄汁更濃更甜，就好似精華一樣，所以大家飲到既冰酒都係又甜又濃郁

我酒小妹當然鐘意飲冰酒啦，如果配埋甜品或者鵝肝一齊嘆，就無敵perfect 啦 而冰酒的確係雪凍先好飲既 ❄

〰〰〰〰〰〰〰〰〰〰〰〰〰〰〰〰〰〰〰〰〰〰

至於點解冰酒咁珍貴 (大家不妨去各大超市睇睇一支冰酒既價錢)？

 

因為受到天氣條件既限制，每年冰酒既收成都唔一樣，係寒風吹襲下既自然環境，收成極少，可能只有整個葡萄園產量既5%至10%，有時整片葡萄都會凍死，咁果年既產量就更見稀少珍貴。正正因為產量少，冰酒一般瓶裝容量為 375 ml (一般紅酒/白酒容量是 750ml)。

 

再講D 數字比大家聽，相信大家就更加明白！以一般10月初採下既葡萄酒為例，平均大約只要3磅葡萄就可以釀出一瓶750ml既葡萄酒，但冰酒所用既葡萄係已經結冰既葡萄，要榨出汁來非常唔容易，平均要30磅葡萄先可以釀出375ml的既葡萄酒，以原料用量嚟講，大約要比一般葡萄酒多上20倍
 

所以，大家可以想像到冰酒有幾咁珍貴！ 不過大家唔駛驚，係 Wine Couple, 大家只要花費一張紅衫魚$100多dd既價錢，就可以享受到一支咁珍貴既冰酒，你都咪話唔正！

 

想即刻買嚟試吓? 好簡單!! 睇啱下面冰酒酒款 ，撥個輪比我地，靚酒隨時送到你門口！ 快D 搵我地落單啦