Organic Spirits 有機烈酒的專門店 (By 技安)

 

 

 

在法國買葡萄酒未必夠香港便宜，但買法國著名的烈酒白蘭地 Brandy 就一定有著數，因為事關香港烈酒關稅 (酒精度高於30%) 是100% ，貨值10蚊的烈酒就要比多10蚊關稅，故此在法國當地購買白蘭地絶對比香港便宜，而且酒款選擇更多。

波爾多巿中心其實不大，就以小編閒逛2-3天就會感覺每日進進出出都係果幾個輕軌站，行來行去都會重覆行番相同的街道，在離交易中心不遠 (Place de la Bourse) 步行約10分鐘左右，就有一家專賣烈酒的酒舖 Emile & Marguerite，此酒舖特別在於只售賣烈酒，而且清一色都係 Organic ，各式各樣的烈酒如 Brandy / Whisky / Voka / Rum 等….要集齊不同烈酒仲要係 Organic 都米話容易，而且店東亦好客氣比你試岩先買，小弟最終按自己口味挑選了一支10年 Cognac 區的 Grande Champagne (又稱大香檳區) 的有機白蘭地 ，售價都只係港幣幾百蚊， Grande Champagne 是整個Cognac 區中最精華的部份，只佔整區產量17%，亦是6個 Cru 當中最好的一個，[香檳] 其實在法文指白堊土，而大香檳區白堊土的含量最多，由於該土讓特性是鬆散且養分不足，葡萄的根多往深深處生，由此區釀出來的干邑香味最濃最復雜，酒適合長時間熟成，被譽為 Premier Cru du Cognac。

10年 Organic Grande Champagne 也只係港紙幾百蚊~

好奇問一下靚仔店東為何只挑選 Organic 來賣? 原來店東自己也有一家酒莊釀 Brandy 的 ，而Organic 有機栽種除左對環境一種 Commitment ，也對提升酒質有相當大的幫助，他本人就非常厭倦大品牌近年粗制濫造的操作。

咁有特色的酒舖，再加埋有理想又型仔的店主， 大家下次到訪波爾多記得去呢間專賣 Organic Spirits 的酒舖睇下搵唔搵到岩心水的手信。

 

 

Emile & Marguerite ( Organic Spirits 專門店)

www.emileetmarguerite.fr