紅酒瓶底凹槽究竟有咩用途？(By Eva酒小妹）

坊間一直流傳住關於紅酒酒瓶底部凹槽既傳言 ，好多傳言話凹槽越深, 就表示支酒越好。根據大概係話, 以凹槽既深淺去區別酒既可存放年齡。例如平底酒瓶(俗稱為矮瓶) : 適合非AOC等級以下紅酒及其他未受法國政府品質認證既私釀酒。中深度凹槽酒瓶 : 通常係AOC以上等級存放酒齡約3-7年。高深度酒瓶(一般稱高瓶)：用來存放5-10年，甚至更舊年份既高等級葡萄酒。️但因為釀酒技術日漸革新，凹槽用於沉澱結晶物既作用已經漸漸無咁重要，酒既好壞在於消費者自己既體驗，同凹槽其實無必然聯繫。

 

雖然話凹槽既深淺同酒質本身無好直接既關係，但凹槽的確係有積存酒內沉澱物既作用。呢一點特別對於早期葡萄酒生產中無低溫結晶技術既酒農嚟講係非常重要️。早期葡萄酒釀造技術比較落後，係葡萄酒釀造後，需要用木編式濾網過濾酒渣同果皮，所以運用瓶底凹槽, 令沉澱物同單寧結晶體沉澱係瓶底凹槽處，以減少高級葡萄酒液內既雜質。

 

 

而另一方面, 凹槽既存在亦可以令到酒瓶更容易轉動。早期既葡萄酒，係需要定期滾動 (通常係插上滾軸於瓶凹槽底，每日兩次至三次，每次20-30度圓周式滾動😵)，以觸動酒液既發酵 。所以，凹槽處亦有插上滾軸既用處。

 

不過上面講咗兩點, 都好似係講緊早期釀酒技術無咁發達既時段, 酒瓶凹槽既作用…

不如又講吓係現今年代, 凹槽又有咩作為? 其實去到今時今日，凹槽逐漸變成紅酒禮儀同審美上既一環 。就好似係一D高級餐廳, 侍酒師為客人倒酒時，都會用大拇指扣緊酒瓶既凹槽，其餘手指扶穩瓶身，咁樣倒酒就顯得更加專業同優雅，不過呢~ 咁樣拿酒瓶係需要經過長時間訓練。如果唔係…哈哈, 自己諗。

 

我酒小妹都不知打爛過幾多支酒先苦練成功。