Le Preare Valpolicella Ripasso Superiore DOC 2020 皮亞尼里帕索紅酒《醇酒系列 - I229A》

Valpolicella係意大利歷史最悠久嘅葡萄酒產區之一，同Chianti、Barolo、Brunello齊名，以大佬Amarone同細佬Ripasso最為出名～

要講Ripasso就首先要輕輕講下Amarone, Amarone係用自然風乾葡萄釀成嘅酒款，亦係同類風乾酒款之中最出名最高質！風乾三至四個月後嘅葡萄會因為水份蒸份失去原來重量約30~40%，咁糖分自然更高，單寧同風味物質都會更複雜濃縮，釀出嚟嘅酒自然顏色更深，更濃更香更複雜。當然精選葡萄同風乾嘅額外人力時間都代表Amarone嘅酒價唔會太平～

而Ripasso 有Re-pass同go over again嘅意思，即係會用老大Amarone或者Recioto壓榨後淨低嘅酒渣進行第二次發酵，亦都可以加最多15%嘅Amarone酒液或者部份用風乾葡萄，令本身基底嘅Valpolicella紅酒增添乾果同糖漬果嘅風乾風味，入口更濃縮，顏色酒精單寧酸度都推得更高，令成枝酒更有架構。

雖然用酒渣但質素絕對唔渣，可以話係Amarone嘅副牌。產區Valpolicella Ripasso亦喺2010年升格為法定產區DOC，可見其品質同重要程度！

而呢款更加係更高嘅Classico Superiore等級，除咗係海拔更高嘅高質經典區域之外，Superiore嘅酒精要求亦更高去到13%，確保用嘅葡萄更加成熟高質！

Ripasso除左頭先講到嘅風乾熟果風味，通常仲會帶番Corvina嘅紫羅蘭花香，由偏清新嘅中低酒體去到好厚重都有，中高單寧，有良好嘅酸度去平衡厚重嘅酒體同果香，Superiore亦要喺木桶陳熟1年。

酒莊Cantina Valpolicella Negrar係一間位於Verona郊外嘅大型合作社，喺1933年成立，當時6位有志之士覺得要保存Valpolicella嘅優秀傳統，於是決心組成聯盟，當中包含了230個酒農同700公頃葡萄園。佢哋唔單止定制守則去釀造高質葡萄酒，更要求有機種植同尊重環境去保護Valpolicella呢個高質產區。喺呢區生產超過20個酒款，可以話係呢區嘅大廠，而Cantina di Negrar Le Preare系列就係佢哋嘅核心品牌～

葡萄園位於Valpolicella Classico中心位置，海拔約250-450米，平均樹齡15-25年，全人手採收，先經過10日嘅浸漬同發酵後再同Amarone酒渣二次發酵15日，最後入桶陳熟～而呢款仲有酒莊嘅濃濃煙燻風格～

🕰️ 建議醒酒時間 : 1-2個鐘

📝 實試報告:

櫻桃酒色～BBQ烘烤氣息好強！甚至有啲火山灰嘅感覺！但都伴隨新鮮果花草香：紅布冧、紅車厘子、乾果、糖果、鼠尾草、藥草草本香氣，亦有少許陳熟氣息：泥土、茶葉、動物氣息、花生🥜入口酒體偏向優雅柔和，更輕快Juicy，係平易近人嘅小酒王～