車庫酒之父 Jean Luc Thunevin ︳Wine Couple 醇酒伴侶

你的購物車是空的

${{ (item.variation.media ? item.variation.media.alt_translations : item.product.cover_media.alt_translations) | translateModel }}$ ${{ (item.variation.media ? item.variation.media.alt_translations : item.product.cover_media.alt_translations) | translateModel }}$

{{ childProduct.title_translations | translateModel }}

{{ getChildVariationShorthand(childProduct.child_variation) }}

{{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

{{ getSelectedItemDetail(selectedChildProduct, item).childVariationName }}

{{item.quantity}}x HK$0 {{ item.unit_point }} 點

刪除

${{addonItem.product.cover_media.alt_translations | translateModel}}$

{{addonItem.quantity}}x {{ mainConfig.merchantData.base_currency.alternate_symbol + "0" }}

刪除

"車庫酒之父/壞男孩" - Jean Luc Thunevin

今次同大家介紹下一手創立神枱車庫酒莊Chateau Valandraud嘅Jean-Luc Thunevin，佢嘅人生同佢釀嘅酒一樣咁傳奇～

Thunevin出生於阿爾及利亞，1960年移居法國既時候只係得9歲🇫🇷16歲就輟學開始做伐木工，18歲服兵役，退伍後25歲做銀行職員同兼職DJ，一路多變嘅人生都同酒未有關係。

去到1984年喺Saint Emilion開咗間叫Tertre嘅餐吧，嗰時餐吧有個Petrus嘅員工經常幫襯，Thunevin招呼得呢個熟客幾好，而對方都成日講起Petrus嘅酒有幾好

講講下Thunevin都心郁郁，決定寫信畀Petrus莊主，希望可以買2枝酒試試

結果就收到大槪係咁嘅回信："Petrus從不零售，規矩不可破壞，但鑑於您對我們員工的關照，所以特別贈送您兩瓶Petrus 1955"！！！

於是Thunevin同太太就有機會喺生日會上一試波爾多天花板Petrus，一試就令佢決定咗要釀酒！

valandraud,Jean Luc Thunevin,Thunevin,Saint Emilion,Grand Cru Classe,Mauvais Garcon,Bad Boy,Bordeaux's black sheep

喺1989年他用貸款以15萬歐元買咗0.6公頃嘅Saint Emilion葡萄園，連城堡同釀酒嘅地方都無，只係用借嚟嘅車庫以非常有限嘅人力釀酒，喺1991年釀出第一個年份，估唔到一嗚驚人！一日內接受四間歐洲著名電視臺專訪，業內業外人士都爭住試同討論佢嘅酒，仲每枝1991都喺1996年9月嘅蘇富比拍賣行上拍出1000美金嘅高價！！之後嘅1992同1993年份都一樣，甚至比同期嘅lafite同cheval blanc都要高！！！奠定波爾多神枱地位！之後Valandraud一直都長年得到各大酒評高分肯定，去到2012年，短短20年就由無分級躍升到Saint Emilion Premier Grand Cru Classe B～(要知道分級係10年更新一次)，到今日已經擁有15間酒莊，6間合資酒莊，同時係多間酒莊嘅釀酒顧問，證明車庫酒唔係淨係得Gimmick，係穩定嘅高質素！

Bad Boy(Mauvais Garcon)系列

而因為創新大膽嘅車庫酒風格令最出名嘅酒評Robert Parker都笑稱佢為「壞男孩」(Bad Boy) 同「波爾多嘅與眾不同」(Bordeaux's black sheep)～結果Thunevin就喺2005年推出Bad Boy, 將2個稱號都放喺酒標上～～

Bad Boy(又叫做Mauvais Garcon)系列盡顯Thunevin嘅調皮創新！跳出產區限制～例如無混調嘅Semilion同Sauvignon Blanc, 少有嘅名莊Crement de Bordeaux, Bordeaux chardonnay同syrah！, orange wine！！！2017年仲新出咗枝啤酒...

呢個價位就可以一試gimmick十足嘅神級功架，所以一直都係熱門酒款～各大酒鋪都可以見到～