小眾潛力甜/白酒產區 Jurancon/Jurançon ︳Wine Couple 醇酒伴侶

你的購物車是空的

${{ (item.variation.media ? item.variation.media.alt_translations : item.product.cover_media.alt_translations) | translateModel }}$ ${{ (item.variation.media ? item.variation.media.alt_translations : item.product.cover_media.alt_translations) | translateModel }}$

{{ childProduct.title_translations | translateModel }}

{{ getChildVariationShorthand(childProduct.child_variation) }}

{{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

{{ getSelectedItemDetail(selectedChildProduct, item).childVariationName }}

{{item.quantity}}x HK$0 {{ item.unit_point }} 點

刪除

${{addonItem.product.cover_media.alt_translations | translateModel}}$

{{addonItem.quantity}}x {{ mainConfig.merchantData.base_currency.alternate_symbol + "0" }}

刪除

Jurancon/Jurançon - 小眾潛力甜/白酒產區

Jurancon位於法國西南部Pyrenees(庇里牛斯山)嘅山腳，平均高300米，主要出產甜白酒同dry(唔甜)白，有70%產量都係medium sweet到sweet咁上下甜度嘅甜酒(當然睇價位&酒莊風格)，30%就係dry白，基本上都係白酒，係白葡萄Petit Manseng同Gros Manseng嘅主場～都有少部份其他原生白葡萄：Courbu Blanc, Petit Courbu, Camaralet de Lasseube, Lauzet。

Petit Manseng貢獻finess 因為顧問思義Petit法文解細，就係指佢嘅果實較細粒，所有嘢更濃縮
而Gros Manseng同Petit Manseng特性都差唔多，但因為產量大令佢成為唔錯嘅代替品

一般嚟講Jurancon嘅酒都會帶熱帶果香同較重嘅香料感，高酒精full body, 同時都有高酸度平衡～
大部份會用舊大桶陳熟，較靚嘅就可能會用到新桶增加桶香複雜性。

Petit Manseng 小滿勝

以Jurancon名義生產嘅有3種酒，分別係dry嘅Jurancon Sec(最多9g/L糖份)、甜嘅Jurancon(最少40g/L糖份)同遲採收嘅甜型Jurancon Vendanges Tardives(55g/L糖份以上)

甜嘅兩款都會以遲採收/風乾去達到葡萄所需要嘅糖份，而因為Petit Manseng皮厚嘅關係，Jurancon嘅甜酒多數都唔係靠貴腐菌～
Jurancon同Jurancon Sec都要有至少50% Petit Manseng & Gros Manseng(兩種加埋)
而Jurancon Vendanges Tardives就一定要用呢兩種葡萄釀造

簡單說明👇🏻

14世紀嗰陣當地人開始騰出土地去種葡萄，根據16世紀時嘅歷史學家Pierre de Marca所講，當時Jurancon嘅酒已經贏哂Chalosse同Bordeaux！18世紀仲開始出口到各地！！
但因為19世紀嘅Phylloxera同二次世界大戰，產區大受打擊，由6000公頃嘅葡萄園跌到得返少個0嘅600公頃，直到而家都係得650公頃..

簡單說明👇🏻

雖然跌到落谷底咁濟，但Jurancon絕對係有能力爬返出嚟，甚至比爬得以前更高嘅潛力產區！

一大原因當然係潛力原生葡萄Petit Manseng + Gros Manseng～
Manseng 出名嘅一大原因係源於法國一個諾貝爾文學獎提名女詩人Colette對Manseng嘅熱愛！

諾貝爾文學獎提名作家Sidonie-Gabrielle Colette

話Manseng係seduction du vert galant(the seductive green playboy): "I was a girl when I met this prince; aroused, imperious, treacherous, as all great seducers are.
佢就好似小女孩遇到一個好識溝女嘅王子咁被激起！試過就從此令佢變得專橫！！個心已經容納唔到其他葡萄！！！甚至覺得自己背叛咗熟悉嘅葡萄！！！！而當地嘅酒界亦借用咗女詩人嘅呢番名言，打造出"Manseng means Jurancon means Sex"呢句咁浪漫嘅文宣～

靚葡萄當然都要有靚風土要可以釀出好酒～

產區東北邊以Poudingue de Jurancon(係一種多石嘅石灰岩加上黏土嘅表層)為主
南邊以復理岩flysch為主交替住砂岩(sandstone)/石灰岩(limestone)同埋沙(sand)/黏土(clay)
西邊就係Poudingue de Jurancon同flysch嘅混合

Jurancon雨量高，日照時間適中，最特別嘅係春天同秋天會有焚風(foehn/föhn wind)～簡單嚟講焚風會由南邊嘅山脈地區吹落嚟(山脈地區特點)，又熱又乾燥嘅焚風會令葡萄更成熟甚至overmature，更容易造出更好嘅late harvest/風乾甜酒～

呢個高潛力package亦開始孕育出部份高質甚至係cult wine等級嘅酒莊/釀酒師！

比較多人認識嘅Sancerre神莊Didier Dagueneau就睇中Jurancon嘅潛力，喺度釀出一枝甜酒～

產區本身亦有一個堪稱Unicorn winery嘅Le Clos Joliette, 到2015年莊主過身後，畀一個熱愛葡萄酒嘅人買入，先有部份年份同極少量嘅酒流出市場(92年嚟都無流出過市場)，咁耐以嚟亦只係得Vinous嘅Neal Martin有評過2個年份，分別係October 2019 評嘅1970 Jurancon 94分同埋 May 2018評嘅1978 Moelleux Jurancon 95分。連佢都話："I cannot remember writing about such an enigmatic wine"！

講咁多都係想話畀大家聽Jurancon真係充滿潛力同寶藏，如果你飲厭咗Sauternes/moscato, 不妨一試Jurancon睇下有無女詩人Colette嗰種沖擊呀～

即刻睇下我哋嘅Jurancon👇🏻

Domaine Nigri Pas de deux 2018 Jurancon 尼嘉麗"無雙"遲收甜白酒《醇酒系列 - F213A》