千奇百味葡萄酒    ()

上集千奇百味葡萄酒為大家介紹左紙尿褲味👶、臭襪子味🧦、狐狸味🦊、貓尿味🐱、以及濕狗味🐕。唔知大家有冇真係聞到?😆今集再為大家介紹葡萄酒其他獨特奇味。

 

6. 馬房味🐴
呢種不討喜嘅味道通常只出現係紅葡萄酒中,指嘅係骯髒嘅農場糞便氣味💩,葡萄酒有呢種氣味可能是因為受到了酒香酵母污染,或者係釀酒環境不夠潔淨。通過醒酒,隨著氧化作用嘅加速同一啲氣味分子嘅散發,馬房味會慢慢減弱↘️或者轉變成動物皮革嘅味道,不過都會有人喜歡呢種味道。

 

7. 洗甲水味💅
如果你喺一瓶葡萄酒中聞到類似洗甲水嘅味道,呢瓶酒很可能已經變質。原因係葡萄酒暴露喺光、熱環境下,酒中細菌滋生從而產生大量揮發酸,令葡萄酒產生聞起黎似醋或刺鼻👃嘅洗甲水味。

 

8. 電油味🛢

電油味似乎是「Riesling」葡萄酒獨特的象徵,有啲人唔喜歡呢種味道,但「Riesling」嘅愛好者卻對它情有獨鍾💛。科學家👨🔬認為,「Riesling」中嘅電油風味來自一類芳香化物“TDN”Trimethyl-dihydronaphthalene)。呢類化合物源於葡萄果實中兩種多糖嘅水解,隨著陳年,水解反應緩慢發生,TDN也隨之慢慢積累起來,散發電油味。

9. 鉛筆芯味

如果你嘅葡萄酒中有鉛筆芯嘅味道,係咪會喚醒你那些年” 嘅記憶?🎓呢種微妙香氣經常出現在經過橡木桶陳年嘅優質紅葡萄酒中🍷,在Cabernet SauvignonCabernet Franc以及Bordeaux Blend中最常見,適量嘅鉛筆芯味可增加葡萄酒嘅複雜度。😌

 

10. 橡膠味🚜
橡膠味,尤其係燒焦嘅橡膠或輪軚味,常見於「Syrah」葡萄酒同南非嘅「Pinotage」葡萄酒,呢個係酒中嘅硫化物產生還原反應所造成嘅結果🔄。不太嚴重嘅情況下,呢種氣味會逐漸散去。

喺葡萄酒世界中真係可以有好多不同奇特氣味👃,不論喺生產過程👨🌾,選用嘅葡萄上🍇以至存放環境🏰等等,都會令葡萄酒產生不同化學變化從而產生不同氣味。唔知各酒友有冇試過聞到另一啲奇特氣味呢?🤭不坊報料📰話俾小編知。

 

16-02-18