Vina Muriel Reserva Blanco 2015《醇酒系列 - SP077A》

產區 / 級別 : Rioja 里奧哈，Spain 西班牙

葡萄品種 : Viura 維奧娜

酒精度 : 12.5%

網站介紹 : https://www.murielwines.com/en/news/vina-muriel-reserva-highest-point#

🌟 Gran Reserva酒莊旗艦白酒

🌟 平均30年樹齡，木桶陳熟8個月

技安誠意推薦Rioja 白酒，上次火速斷貨新貨再翻‼️

推薦一支平靚正西班牙白酒比大家，上次試過印象非常深刻！ 一推就賣晒，試過後好多朋友仔追貨？ 証明質素有番咁上下，再配合呢個禮拜火燒高溫的天氣，到倉非常合時

絕大部份酒友都認為西班牙Rioja 是紅酒產區，對佢印象主要係紅葡萄Tempranillo 、長年橡木桶陳熟和波爾多風格，其實Rioja跟Bordeaux 產區發展都十分相似，在70’s 前有好多酒莊都係釀白酒比紅酒多，Viura 是 Rioja 產區最重要的白葡萄，大家聽落可能會陌生，但如果換一換個名Macabeo，大家又會搞清楚些少，因為我地經常飲的西班牙國民氣泡 Cava ，正是主要由Macabeo葡萄再混合其他葡萄釀造。

葡萄酒女皇Jancis Robinson認為Virua 就像Cinderella grape 民女變公主一樣推薦大家多試，既然 Vira 咁有 potential ？點解 Rioja 產區只有少數高質白酒能夠被酒友點名出來? 如大家飲開的 （Vina Tondonia Gran Reserva）都係用上 90% Virua 和10% Malvasia 。正因為 Virua 屬量產型，如果要做高質的白酒，必須在整枝或產量上嚴格控制，環顧巿場酒莊願意花更多力氣在高質紅酒之上，而且量產型的 Macabeo 可投放在需求龐大的Cava氣酒之上，不論高端紅酒或氣酒，都比釀高質白酒有更可觀的回報，所以酒莊唔願多做，直接導致大家未必有咁多機會試到靚Viura白酒。

隨著時間發展，巿場轉向白酒，更多酒莊願意釀造高質量Viura白酒，Viura的發展潛力被引發出來，而且Viura 白葡萄有著非常高的白藜蘆醇(Resveratrol)，比其他白葡萄更能抵禦葡萄氧化，特別適合長年陳熟，而且陳年了的Viura隨時間發展出迷人的香氣和更複雜的層次！今次推薦的 Vina Muriel Reserva Blanco 2014 就係一個好例子！ 

酒莊Muriel 由Jose Murua在1926年於Rioja 創辦，集團 共有6家酒莊，其中4家均在 Rioja 產區，紥根百年於Rioja 精華區 Rioja Alavesa，Vina Muriel 是酒莊最頂級系列，全採收自 El Gallo 葡萄園，如果應用在最新的Rioja 分級制，屬單一葡萄園，絕不是那些混上3個大區葡萄的廉價Rioja，而且葡萄園的Viura樹齡都是30年以上，先在法國橡木桶發酵25日，再陳在同一木桶8個月，之後放瓶陳熟8年至今。

技安實試紀錄 ( 21/04/2023)：

開瓶香氣已聞到火石、烤焙、煙燻氣息強烈！而且也有柑橘和Herb ，給我第一下的感覺以為自己開左支 Pouilly Fume白酒，入口好chalky加上礦物感又令我聯想到Chablis，入口有梨、芹菜和青瓜等綠色水果，又有Tropical fruit 如菠蘿、芒果等黃色水果，少許honey ，桶的creamy感明顯但絕不是新世界白酒般過份油膩，酸爽，Intense & rich，能兼顧到果感，酸度及一些礦物感的 Salty，我敢講用呢支白酒來配芝士、生蠔同者煙燻肉類一流，誠意推薦

上次買唔到或者試過覺得好正要補番倉既朋友仔馬上行動

延伸閱讀：

Muriel 詳細介紹

Rioja 產區介紹