{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

🚚全單滿6支送貨|風土系酒款全單滿3支送貨|🆕全新澳門送貨服務 (詳情請查詢)

🍷酒款、優惠經常更新,請時刻追蹤我地😊|🤵👰Wine Couple 你的最佳婚宴酒酒商

你的購物車是空的
{{ (item.variation.media ? item.variation.media.alt_translations : item.product.cover_media.alt_translations) | translateModel }} {{ (item.variation.media
                    ? item.variation.media.alt_translations
                    : item.product.cover_media.alt_translations) | translateModel
                }}
{{ 'product.bundled_products.label' | translate }}
{{ 'product.bundle_group_products.label' | translate }}
{{ 'product.buyandget.label' | translate }}
{{ 'product.gift.label' | translate }}
{{ 'product.addon_products.label' | translate }}
{{item.product.title_translations|translateModel}}
{{ field.name_translations | translateModel }}
  • {{ childProduct.title_translations | translateModel }}

    {{ getChildVariationShorthand(childProduct.child_variation) }}

{{ 'product.set.open_variation' | translate }}
  • {{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

    {{ getSelectedItemDetail(selectedChildProduct, item).childVariationName }}

{{item.variation.name}}
{{item.quantity}}x HK$0 {{ item.unit_point }} 點
{{addonItem.product.cover_media.alt_translations | translateModel}}
{{ 'product.addon_products.label' | translate }}
{{addonItem.product.title_translations|translateModel}}
{{addonItem.quantity}}x {{ mainConfig.merchantData.base_currency.alternate_symbol + "0" }}

以土耳其之旅淺談 Turkish wine 微妙的前世今生

估唔到本身無諗過去飲酒嘅土耳其之旅又真係有啲酒嘢可以寫吓!試咗個全土耳其酒米芝蓮 wine pairing 之餘仲買咗枝酒~Tasting 方面最下面最講,一開始可以講吓土耳其酒微妙嘅前世今生,講吓土耳其嘅先天 package 先~

 

1. 土耳其有成 1435 種葡萄(當然釀酒主要用幾十種),仲要勁多有潛力嘅原生葡萄,葡萄面積係全球第五大,葡萄產量排第六!
(但咁多葡萄但暫時都係得約 3% 係用嚟釀酒,土耳其係第一大葡萄乾出產國,不過又反而令好多品種同老藤得以保存)

2. 土耳其喺正葡萄酒發源地格魯吉亞隔離,係最舊嘅舊世界產區之一,地大脈博要海景山景都有(唔同嘅風土組合)

不過因為伊斯蘭教喺七世紀傳入土耳其,而教條上伊斯蘭教係唔可以飲酒的,直到而家伊斯蘭教都係土耳其最大宗教,鄂圖曼時期甚至喺政治層面立法禁止教徒飲酒。雖然 1923 年土耳其共和國成立,政教分離後就唔禁酒,但就算法例唔禁都有教條...

所以之前就算有釀酒,當中好多都係由其他土耳其少數民族如希臘裔,亞美尼亞裔先會去做。雖然有,但唔係主流,有制肘下都好難太出名同蓬勃

 

雖然唔禁酒已經算係一大推力,但立國嘅洛桑條約同時係把雙刃劍,當中強推嘅希土人口互換令土耳其無咗好多有幾代經驗嘅釀酒人才。一路要去到 90 年代兩間老酒莊 Doluca 同 Kavaklıdere 先開始造出啲高質例子令大家開始留意到土耳其酒。前者做國際葡萄,後者做原生,雙劍合 big 帶動埋成個風氣,堪稱土耳其酒嘅現代起點!經濟私有化政策亦係大力推到土耳其葡萄酒起飛嘅因素之一,喺 2003 年輪到釀酒業,令好多私有甚至外資嘅精品酒莊掘起,就好似第一張圖入面同場嘅 Xavier Vignon 就係最出名嘅法國南隆釀酒師之一,周圍做釀酒顧問嘅佢去埋土耳其釀自己最拿手嘅南隆 GSM Blend,即使係 Kavaklıdere 都請咗 Bordeaux 出晒名嘅 Stéphane Derenoncourt 做釀酒顧問!土耳其亦喺呢個時間喺國際間露頭,Jancis Robinson 就係喺 2004 去過土耳其出過啲評論,自 2004 年 Decanter 都開始為土耳其評分,20 年間土酒拎咗超過 1000 個獎牌🎖2011 年成立埋土耳其葡萄酒協會...

但係但係... 2013 年又立法禁返葡萄酒宣傳... 即使喺社交媒體公眾講酒都係犯法,酒莊甚至會有例行嚴查,令佢哋甚至要準備一筆資金以防隨時比人告,仲有酒莊頂唔順決定收檔... 即使大型酒展都會因為對飲酒嘅限制而臨時被剎停。加上消費稅、酒稅去到今日土耳其都只係得 185 個葡萄酒生產商,都唔會有官方產區分級。雖然產量仲係第六,但其實過去 4 年土耳其無咗比成個紐西蘭葡萄園面積仲要多嘅葡萄,因為好多葡萄農都轉咗種其他更加"穩"錢嘅生果...

 

我喺伊斯坦堡目測都真係唔多酒鋪(唔計超市/便利店 level),當我問當地酒鋪位師兄時,佢都話大環境的確差,但佢話相信未來會放寬啲,好少少?雖然我都希望可以多個產區飲,但睇完資料,呢幾十年嚟土耳其都喺伊斯蘭教色彩濃厚嘅總統埃爾多安大權之下,同私有化、世俗化、國際化之間拉扯緊,當中包含嘅政治/宗教因素我都講唔到咁多,只能夠我希望唔使畀 Wine Couple 入職表佢啦... 不過呢個年頭世俗化、國際化都好大力嘅,調查發現土耳其近年都多咗好多無宗教無神論者,另外有幾篇我參考嘅文章都係近年甚至呢幾個月寫,包括 JR/Decanter 等嘅國際大酒評,呢啲因素又唔知幫唔幫到含住金鎖匙出世嘅土耳其推開晒度葡萄酒大門呢?

 

額外 Fun fact:
土耳其有超過 50% 釀酒師係女性,有人話可能因為伊斯蘭教喺心理上對男性影響比較大

而第一張圖入面我買嘅呢枝 Turasan 就係 Cappadocia 嘅領導酒莊之一,Cappadocia 就係人稱奇石林嘅熱氣球景點,亦土耳其都係幾個主要產區之一。

呢款酒其實香氣幾唔錯,果花香甜又有啲桶感,不過口感就真係弱少少,睇埋下面其他酒再一次過講...

話說小弟去旅行都鍾意住一晚好食一餐豪,由其今次我生日啦~咁啱土耳其都有幾間米芝蓮,最後就揀咗間地道啲嘅一星土耳其菜 Nicole(土耳其仲未有三星,二星都係得一間)相對香港都抵食,拎星晚餐都係千零蚊位,咁就順手加埋個 Wine Pairing~

 

6 款都係土耳其酒,係幾新奇有趣,因為啲組合一般唔係高手/香土混血的話真係聽都未聽過!土耳其菜仲要 fine dining 又係第一次食,仲要一落機就食,畀唔到咩食評/pairing 建議,咁就輕鬆啲講吓我飲咗啲咩啦~等大家睇吓啲新葡萄名新產區名過吓癮吧!

 

第一款係嚟自 Gedik 嘅 Sidalan 白酒(海拔 300 米),呢隻白葡萄原生喺土耳其西邊嘅 Kaz Dağları 山附近。呢款經不鏽鋼桶 on lees 3 個月,聞落已經有啲似忌廉鮮奶,個口感更真係有啲似忌廉鮮奶!同一般白酒唔太同!不過個果感同礦物咸度都有喺度~

 

第 2 枝 Pinot Gris 雖然聽過,但係 Rose 加埋 Kirklareli 就真係玩死人!好 subtle 嘅紅果紅花,個輕輕嘅煙燻感用嚟襯個 Dolma 葡萄葉包飯都有啲配合~

 

Marmara Sauvignon Blanc:去到呢枝明顯 feel 到,唔知係咪因為土耳其太熱定咩,連 Sauvignon Blanc 個酸度都唔算太高(Marmara 係西邊近海,Mediterranean 地中海氣候)仲無乜草香,結構感唔夠好

 

去到紅酒了,嚟自同名 Kalecik 區嘅紅葡萄 Kalecik Karasi,人稱 KK 係土耳其三大重要嘅葡萄,葡萄園有約 640 米海拔(呢個 KK 園可以參觀吓),偏向似 Pinot Noir,輕盈紅果花香 style 有少少雲呢拿桶香咁,個香都唔差,係入口 flat 少少。

 

跟住嘅 Öküzgözü 就係土耳其種植量最大嘅一大葡萄,第二大係佢老友 Boğazkere(三大係講緊重要程度)。原生喺 Anatolia 東部嘅 Elazig,個名解做牛眼,就係因為葡萄果實又圓又深色。呢款位於嘅 Koruk 村有成 1000 米海拔!雖然一般都係話紅果輕盈,但我呢枝係出幾濃嘅黑果,都有啲單寧同 body。

 

最後仲有款 late harvest 嘅 Bornova Misketi,其實姐係 Muscat~莊名叫得 Urla 酒款當然嚟自 Urla la(西邊近海)~印象中果花香甜但唔係最 Muscat 嘅例子,由其飲落仲有陣奇怪嘅杏味... 不過 medium sweet 都唔難接受嘅~

 

總體就係頭先 Sauvignon Blanc 個感覺,即使已經有高海拔都係好似好熱,酸度&結構差啲咁... 雖然好似驚多過豔咁,但一次試到 6 款仲要 pair 返土耳其菜都得意嘅,圍返百零蚊杯都好抵,而我呢到都只係幾款例子,加上土耳其酒只係啱啱起步,都開始有出名/有料嘅酒莊過去研發緊,地大物博加埋一堆原生葡萄有排玩~

 

*雖然其他唔識食但佢個外脆內軟又有 nuts 嘅 sour dough 加埋佢個勁 fine 嘅芝士橄欖油係我食過最好食嘅麵包!沒有之一,差啲食到我肅然起敬!頭盤個風乾鴨肉+海膽都好正

 

另外都坐完熱氣球都有幸飲到另一款 Cappadocia 酒,仲要係氣酒!不過用得嚟當 Casual 慶祝酒的話,見到我強顏歡笑個樣都知唔會太有驚喜...

去睇風景嗰陣又有意外收獲!喺 Cappadocia 嘅旅遊路線紅線 Red tour 入面(實際地點名唔記得啦!),參觀到一啲舊時建築時候,Tour Guide 介紹原來舊時逃難嚟呢到嘅天主教徒(?) 都有釀酒,圖中嘅坑就係畀佢哋儲酒/踩皮時用。 

而上圖好似某種圖騰咁嘅 Cappadocia 標誌原來係一種傳統陶瓷醒酒器 decanter!嗰度嘅男人傳統上亦一定要識造陶瓷,花多眼亂靚到我差少少失去理智... 兩樣都見到土耳其酒悠久嘅歷史~

 

雖然我哋暫時無乜土耳其酒,但都希望呢個潮流有一日會衝出國際,嚟到香港,入到 Wine Couple!不過都有機會有少量㗎,不妨問吓我~

Wine Couple 小編 Jeffrey 撰文

WSET level 3 holder,level 4 進行中,盡量知識型小編,有任何形式的錯漏請多多包涵,歡迎指點交流~

 

電話:9889 6693

 

follow 埋我 Facebook & IG 睇吓我嘅日常酒事趣事~

 

Facebook: Jeffrey WineCouple

Instagram: winecouple.jeffrey

也看看我們的 Instagram 日常

訂閱我們的 email